Të dhënat e biznesit PANDA QENDRA E TRAJNIMIT PËR AGJENTËT E UDHËTIMIT

🎯 TRAJNIM DHE ÇERTIFIKIM I UDHËRRËFYESVE TURISTIKË

🎯 Programet e trajnimit profesional për Udhërrëfyes Turistik – Kategoria “Kombëtare” janë hartuar në përputhje me kërkesat e Ligjit Nr. 93/2015 “Për Turizmin” dhe Udhëzimit Nr. 517, datë 24.01.2017.

   - Ky program është akredituar nga Ministria e Turizmit dhe Mjedisit dhe Ministria e Financave dhe Ekonomisë, me Urdhrin e Përbashkët Nr. 173, datë 29.05.2019, si dhe Urdhrin Nr. 278, datë 29.07.2024 të Ministrisë së Turizmit dhe Mjedisit.

🎯 QËLLIMI I PROGRAMIT TË KUALIFIKIMIT

   - Kualifikimi profesional “Guidë Turistike” (niveli IV në KSHK / niveli IV në KEK) synon përgatitjen e individëve për të jetuar dhe punuar në harmoni me mjedisin shoqëror e profesional që i rrethon, duke i aftësuar për të ofruar shërbime cilësore në industrinë turistike dhe të mikpritjes.

   - Programi përgatit pjesëmarrësit për punësim në aktivitete që lidhen drejtpërdrejt me agjenci udhëtimi, operatorë turistikë, njësi akomoduese, struktura hotelerie, autoritete qendrore e lokale, si dhe organizata të tjera në fushën e turizmit.

🎯 PËRMBAJTJA E PROGRAMIT

   - Programi përfshin lëndë teorike dhe praktike të bazuara në standardet më të mira ndërkombëtare të trajnimit turistik:

   - Histori

   - Gjeografi

   - Trashëgimi Kulturore

   - Arti dhe Arkitektura

   - Teknika të Guidimit

   - Pjesa teorike zhvillohet online, ndërsa praktika në terren realizohet në të gjitha qytetet shqiptare me trashëgimi kulturore, duke përfshirë udhëzime, vizita studimore dhe simulime reale të guidave turistike.

🎯 OBJEKTIVAT E TRAJNIMIT

   - Ky program synon të zhvillojë tek pjesëmarrësit:

   - Vetëbesimin dhe aftësinë për të marrë vendime të pavarura;

   - Gatishmërinë për të mësuar gjatë gjithë jetës;

   - Aftësitë profesionale dhe komunikative që kërkon tregu i punës në turizëm;

   - Ndjeshmërinë kulturore dhe respektin për trashëgiminë kombëtare.

🎯 KUSHTET PËR PJESËMARRJE

   - Për t’u regjistruar në këtë program, kandidati duhet të plotësojë këto kritere:

   - Të jetë mbi 18 vjeç;

   - Të ketë përfunduar arsimin e mesëm të përgjithshëm ose profesional;

   - Të mos jetë i dënuar për vepra penale të kryera me dashje;

   - Të paraqesë certifikatën e trajnimit për ndihmën e shpejtë të lëshuar nga Kryqi i Kuq Shqiptar, përpara provimit përfundimtar të certifikimit.

🎯 MUNDËSITË PAS ÇERTIFIKIMIT

   - Pas përfundimit të trajnimit dhe marrjes së licencës, individi mund të:

   - Punësohet si udhërrëfyes turistik kombëtar;

   - Punojë pranë operatorëve turistikë, agjencive të udhëtimit, hoteleve, organizatorëve të eventeve dhe zyrave të informacionit turistik;

   - Vetëpunësohet si profesionist i pavarur në industrinë e mikpritjes dhe turizmit të qëndrueshëm.

   - Ndihmë për punësim pas trajnimit ne bashkëpunimi me platformen Panairi Online.

🎯 TRAJNIM PËR AGJENTË UDHËTIMI

   - Ky është programi më i plotë i licencimit për guida turistike në Shqipëri, që përfshin teori online dhe praktikë në terren në të gjitha qytetet me trashëgimi kulturore.”

   - Programi për Agjent Udhëtimi synon zhvillimin e mendimit analitik, kreativitetit dhe aftësive për zgjidhjen e problemeve në mënyrë të pavarur. 

   - Ai përgatit pjesëmarrësit për t’u punësuar ose vetëpunësuar në veprimtari që lidhen me shërbimet e udhëtimit dhe turizmit.

🎯 Pas përfundimit, kursantët mund të ushtrojnë detyra si:

   - Agjent udhëtimi ose operator turistik në agjenci private;

   - Menaxher produktesh turistike dhe koordinator marketingu turistik;

   - Sipërmarrës individualë në krijimin dhe tregtimin e paketave turistike.

Adresa 01: Rruga Mihal Grameno, afër Shkollës së Baletit Tiranë

Adresa 02: Rruga e Barrikadave te Galeria, te ish kinema 17 Nëntori, kati i dytë - Tiranë