Oferta Hotel Alpini Lepushe, Bjeshket E Kelmendit, Akomodim Te Hotel Alpini, Ushqime Tradicionale Shkoder, Maja E Vajushës, Shkoder Albania nga Biznesi Hotel Alpini Lepushe - HOTEL ALPINI LEPUSHE
Hotel Alpini Lepushe, Bjeshket E Kelmendit, Akomodim Te Hotel Alpini, Ushqime Tradicionale Shkoder, Maja E Vajushës, Shkoder Albania
Publike para 754 diteve - Me date 28/03/2022 Ora 5:30:00 AM
Për të rezervuar dhomën ose tavolinën tuaj, kontaktoni në Whatsapp:
Te ne do të gjeni akomodim në ambjentet e Hotel Alpini Lepushe dhe gatime tradicionale bio të zonës Shërbimet kryesore që ne ofrojmë:
Akomodim në dhomat e Hotel Alpini
Ushqime tradicionale të zonës
Turizëm kulinar me gatime tradicinale të zonës, gatuaj vet drekën tënde.
Guide turistike në zonat përreth në atraksionet me të veçata.
Në Lepushë ke disa opsione të cilat gjatë kohës që qëndroni mund ti shfrytëzoni për ti vizituar.
Ujvara e Lepushës - Ujvara është me distancë 2 km dhe nga bujtina është 30 min me ecje në kembë.
Shpella dhe Ujvara e Koprrishtit - Shpella dhe ujvara është larg nga bujtina rreth 1 orë e 30 min me ecje në këmbë me një disnivel 150 në ngjitje.
Hiking në Majën e Vajushës - Maja e Vajushës eshte 2058 m lartesi dhe ndodhet afer Bjeshkëve te Nëmura me nje disnivel nga Lepusha 850 m ne ngjitje dhe me nje distance nga Lepusha 12,5 km. Kjo është një nga majat më të bukura në Ballkan.
Hiking ne Majen e Berizhdolit - Maja e Berizhdolit ndodhet në një lartësi 1979 m me një disnivel nga Lepushe 700 m ngjitje.
Hiking Maja e Gerbenit me një lartësi 1839m me disnivel 610 m ngjitje nga Lepusha
Hiking Maja e Trpjanit me një lartesi 2193 me disnivel 950 m ngjitje nga Lepusha
Shikoni video me pamje nga Hotel Alpini Lepushe
Bujtina jonë është e vedosur në pjesën më të bukur në luginën e Lepushës, duke pasur pamjen nga Malet e lartë të bllokut shkëmborë të Shenikut në Bjeshkët e Namuna.
Idea që në jemi deri këtu sot, ishte një rastesi që do të ndryshonte jetën tonë.
Një ditë një grup turistash po udhëtoni për në Malin e Zi, por atë ditë nuk mund të kalonin dot sepse ishte bllokuar rruga dhe ne i ftuam në shtëpinë tonë duke ju hapur një dhome ku ata të kalonin natën.
Ata ishin një grup i OSBE-së që vini dhe shikonin alpet tona.
Në bisedë e sipër, ata na dhanë idenë se mund ta kthenim shtëpinë në një bujtinë mikpritëse për të mirpritur turista të ndryshëm.
Për pozicionin që keni ju, na treguan ata, ne kishim pozicioni më të bukur të luginës së Lepushës për turizmin malor dhe se këtu në të ardhmen do të ketë shumë perspektivë.
Po atë vit erdhen edhe disa turista nga Anglia të cilët vazhdojnë të vijnë çdo vit.
Edhe ata na dhanë kurajo duke na thënë, mos u merzisni sepse çdo gjë e madhe do kohë dhe bëhet avash-avash.
Ishim të parët në këtë zonë që vazhduam me turizin malor në vitin 2006-të, kur të tjerët na thonin mos investoni sepse ju do ikni nuk do rrini këtu.
Një vit më vonë hapëm një dhomë tjetër dhe pastaj filluam duke hapur dhoma të tjera, deri sa sot i kemi 7 dhoma dhe në proçes ndërtimi janë dhe 5 bujtina të tjera me nga 7 dhoma secila që do të jenë gati të presin turistët e parë në verën e këtij viti 2021.
Gjithashtu tashmë kemi hapur dhe restorantin ku shërbehen vetëm gatime tradicionale të zonës.
Në restorantin e Bujtinës Alpini shërbehen gatime tradicionale të zonës si : djath i zier, kaçimak, mishi fërlikut si mund të quhet ndryshe dhe mish në hell, mishi i thatë, sallam i shtëpisë, byrekun me nenet e bjeshkës që i cilësoj se kanë një shije të mrekullueshme, mishavina dhe maza që është produkti djathit që rrallë mund të gjendet në vende të tjera.
Këto ushqime të traditës së vendit tonë që i kemi ruajtur brez mbas brezi i shoqërojmë me një pije magjike e bërë me boronicë që merret nga malet tona mahnitëse, që rrethojnë bujtinën.
Bujtina mirpret çdo vizitor ose turist për të shijuar mrekullitë që ofron Lëpusha.
Bujtina është e frekuentuar jovetëm nga grupe 10 me 12 persona por edhe nga cifte ose familje me fëmij të moshave të ndryshme.
Duke shërbyer me dashamirësi, gjatë gjithë kohës i zoti i shpisë ju shoqëron duke dhënë informacion për histori te ndryshme dhe tradita e vendit.
Rezervoni tani udhëtimin tuaj për te Hotel Alpini Lepushë - Bjeshkët e Kelmendit - Shkodër V5873 01D0324
.png "site.al")
